SNU Prosjektutvikling

SNU Prosjektutvikling AS (PUF) vart etablert av SNU i årsskiftet 06/07. Fondet er etablert som eige aksjeselskap med ein aksjeeigaravtale som regulerer forholdet mellom aksjeeigarane. Det er også etablert ein rådgjevaravtale mellom SNU AS og SNU Prosjektutvikling AS.

I følgje Rådgjevaravtalen er SNU AS ansvarleg for forvaltning av fondet innan gitte fullmakter, og skal yte rådgjeving og forvaltning kostnadsfritt for fondet.

Fondet skal delvis erstatta dei statlege omstillingsmidlane og skal nyttast til nye verksemder / prosjekt som kan syna til potensiale i form av nye arbeidsplassar og lønnsemd. Prosjekta skal også vurderast ut frå SNU sine fokusområde og korvidt prosjekta vil støtte opp om den overordna målsettinga til SNU om å skape eit meir robust og breiare næringsstruktur.

SNU Prosjektutvikling AS vil kunne gå inn med eigardel i prosjekt opp til 33% av den samla aksjekapitalen. SNU Prosjektutvikling vil som følgje av sitt eigarskap krevje eitt styremedlem. SNU Prosjektutvikling vil selja sin eigarpart etter på førehand definerte kriterier. SNU Prosjektutvikling  skal ikkje nyttast i prosjekt / selskap som vil vere i direkte konkurranse med allereie etablerte føretak.

SNU Prosjektutvikling består av innskot frå lokale verksemder, organisasjonar, samt SNU AS.

Eigarar i SNU Prosjektutvikling per november 2008:

   Sparebanken Vest

   SNU

   Fellesforbundet

   Asator

   Stord Industrier

   Palantir

   Fitjar Kraftlag

   Jan Kåre Pedersen Invest

   Advantec

   Aker Kværner Stord

   Leirvik Module Technology

   Link Signatur Arkitektur 

   Eldøyane Næringspark

PUF har pr dags dato eigarskap i følgjande verksemnder:

   Dundelina AS (www.dundelina.com)                            

   Fanari AS (www.fanari.no)

   Fitjar Fritid og Småbåtservice AS (www.fitjarbaat.no)