SNU-plass

På SNU-plassen får kommunane og næringslivet høve til å syna kva me har å by på i våre kommunar. Verksemdene som deltek på SNU-plasse får syna spanande jobbar og utviklingsmoglegheiter.

For utflyttarane skal SNU-plassen vera ein hyggeleg invitasjon heimanfrå, der ein får høve til å treffa folk frå heimstaden sin, får informasjon frå regionen sin, og får ei oppdatering på kva som ”rører” seg på arbeidsmarknaden heime.

SNU arrangerte SNU-plass for fyrste gong i 2001, og har jamnleg hatt slike treffstadar i Oslo, Bergen, Trondheim og på Stord. SNU-plass er etter kvart blitt ein kjend og populær møtestad for utflyttarar frå regionen. Fleire verksemder har kome i kontakt med studentar som ynskjer fast jobb eller sommarjobb, og som har flytta heim etter endt utdanning. Inntrykket ein sit igjen med etter desse SNU-plassane er at dei har vore godt mottekne. At det har vore positive sosiale møtestadar, som har gjeve auka kjennskap om kva for moglegheiter som finnes i regionen ein kjem frå.

SNU ser det som viktig for kommunane og næringslivet å marknadsføra seg for dei som har flytta heimanfrå.  Me vil gjennom SNU-plassen syna kva for arbeids- og utviklingsmoglegheiter som fins i vår region. Sjølv om ein kanskje ikkje har konkrete planar om å flytta tilbake til regionen, ynskjer SNU gjennom SNU-plassane å skapa gode ambassadørar for regionen og næringslivet i den. Gjennom SNU-plassen legg ein med andre ord grunnlag for både kortsiktig og langsiktig rekruttering.